150 жыл

Биылғы 2022 жыл - қазақ халқының ақыны, кешегі Абай, Ыбырай, Шоқан салған ағартушылық, демократтық бағытты ілгері жалғастырушы ірі ғалым, көсемсөз шебері, әдебиет зерттеуші, түркітанушы, аудармашы, көрнекті қоғам қайраткері Ахмет Байтұрсынұлының туғанына 150 жыл толған мерейлі жыл. Осыған байланысты, тілдер апталығының аясында 5-қыркүйекте Бірінші қалалық жалпы білім беретін ІТ-лицейде Ахметтің өмір жолы мен шығармашылығына байланысты «Қазақтың дара тұлғасы – Ахмет Байтұрсынұлы» тақырыбында 11-сыныптарда сынып сағаты өткізілді. Лицейстер ақын туралы білетін ақпараттарымен бөлісіп, өз ойларын ортаға салып, тың ақпараттармен де танысты. Іс-шараны өткізген қазақ тілі мен әдебиеті пәні мұғалімі Абилов М.Б.
   2022 жылы 5 қыркүйекте Ахмет Байтұрсынұлының 150 жылдық мерейтойына арналған Бірінші қалалық жалпы білім беретін ІТ-лицейде 7-сыныптар арасында «Тіл білімінің атасы» тақырыбында дөңгелек үстел өткізілді. Іс-шараға оқушылар белсенді қатысып, білімдерін ортаға салды. Іс-шараны өткізген қазақ тілі мен әдебиеті пәні мұғалімі Кенжеболатова А.С.

Комментарии